Prej 20 vitesh, sektori i ndërtimit në Shqipëri ka përjetuar një zhvillim të theksuar, sidomos ai i industrisë së pasurive të paluajtshme, kryesisht pronave që pozicionohen në bregdetin e mrekullueshëm të vendit tonë. Në këtë kontekst, “Concord Investment” është aktualisht promotori i këtij transformimi, ku nëpërmjet projekteve që ka zhvilluar, ka pasur në fokus kthimin e Shqipërisë në një destinacion turistik elitar. Drejtoresha e shitjeve dhe marketingut, znj. Ermira Brozi, shprehet se projektet ambicioze të grupit “Concord Investment” janë kthyer në ikonë të turizmit elitar në rajon.
Cilat janë Projektet e reja të Grupit “Concord Investment” për ndërtim apartamentesh dhe vila në bregdet?
Në sajë të megaprojekteve të niveleve dhe standardeve të larta, grupi “Concord Investment” ka sjellë një transformim rrënjësor për sa i përket industrisë “real estate”. Ato të cilat duket se edhe ndikojnë në mënyrën e perceptimit ndryshe të konceptit “pronë”, si për ne shqiptarët, ashtu edhe shtetasit e huaj, të cilët duhet thënë se janë ata më aktivët në blerjen e një prone në Shqipëri.
Një prej projekteve më kryesore të zhvilluara nga “Concord Investment” është edhe ai në “San Pietro” Resort, i cili ndodhet në Gjirin e Lalëzit. Ky Resort, i cili është modeli i parë i një residence me 5 yje në Shqipëri, ka sjellë një standard të ri për cilësinë dhe përvojën e banimit në bregdet. Ndërkohë që, nëpërmjet procesit të qiradhënies së pronave, “Concord Investment” ka arritur të tërheqë një kategori blerësish potencialë, duke garantuar një kthim të shpejtë të investimit, si një përvojë fitimprurëse për portofolin klientëve të saj.
Projekti “San Pietro” është kthyer në një ikonë të industrisë së turizmit në Rajon, dhe kjo për shkak të dimensioneve dhe cilësisë së jashtëzakonshme të cilat janë implementuar në këtë projekt. Me kapacitet prej 1000 njësish banimi, përfshirë vila luksoze dhe apartamente të llojeve të ndryshme, “San Pietro” shënon një standard të ri për jetesë luksoze në bregdet. Mjediset sportive dhe ato rekreative të përfshira në hapësirën e resortit, i japin këtij projekti një vlerë të shtuar, duke e kthyer atë në një “prime destinacion.
Një aspekt kyç i “San Pietro” është pozicionimi i tij si një destinacion i gatshëm për të qëndruar 365 ditë në vit, teksa bashkëpunimi me hotelin me 5 yje “MELIA” në Durrës, një lider botëror në industrinë e turizmit, e bën këtë projekt të dallueshëm nga të tjerët në Rajon. “Concord Investment” është investitori i parë dhe i vetëm shqiptar që ka implementuar me sukses modelin e një “investimi strategjik” në një projekt të tillë, duke siguruar një kontratë ekskluzive menaxhimi për Hotelin “MELIA”.
Ky bashkëpunim vjen edhe si një risi për tregun e pasurive të paluajtshme në Shqipëri, ku koncepti i “branded residences” është implementuar me sukses, duke sjellë përvojën e një prej brand-eve më të njohura në botë të industrisë së hotelerisë. Ky model i qiradhënies së pronave te grupet e hotelerisë, gjykoj se ka ndikuar pozitivisht në interesin e klientëve, duke përforcuar idenë se vlera e një prone nuk varet vetëm nga cilësia dhe vendndodhja e tij, por edhe nga të ardhurat e garantuara, për më tepër kthimi i shpejtë i investimit. Ndërkohë që në rastin e një investimi të realizuar nga ana e klientit në “San Pietro”, përfitimi shkon nga 6 – 8.5% në vit.
Ndërkohë që financimi i vlerës së blerjes së një prone tashmë mund të realizohet 100%, e ofruar kjo nga ana e bankave të nivelit të dytë, si një avantazh ky kryesisht për investitorët, duke e kthyer blerjen e një prone në “San Pietro”, si një zgjedhje e sigurt dhe me risk mjaft të ulët. Ky element sjell si pasojë atë që investimi në këtë lloj resorti të jetë jo vetëm tërheqës, por edhe i përshtatshëm për klientët, duke u siguruar atyre një përvojë të shkëlqyer dhe një mënyrë të qëndrueshme për të përfituar nga investimi i tyre.
Aktualisht ky produkt i financimit 100% të pronës nuk u ofrohet vetëm investitorëve shqiptarë, pasi nëpërmjet kësaj mundësie mund të përfitojnë edhe nënshtetasit e huaj, e cila si rrjedhojë e kthen këtë në një investim të sigurt, me një risk mjaft të ulët. Po kështu, klientët tanë, mund ta investojnë me mjaft përfitim pronën e financuar 100% nga banka private, ndërkohë që qiraja e përfituar likuidon kredinë, kjo menjëherë me nënshkrimin e kontratës së qirasë.
Ky aspekt e bën investimin në resorte të tilla si “San Pietro” që të jetë mjaft tërheqës dhe i justifikueshëm për klientët, duke siguruar një përvojë të shkëlqyer dhe një mënyrë të qëndrueshme për të përfituar nga investimi i tyre.
“San Nicolas”, i pozicionuar mes Palasës dhe Drimadhes, është i rrethuar nga gjelbërimi i një kodrine piktoreske, në një kodrinë buzë detit Jon. Ky është një tjetër projekt që vjen identik si modeli në “San Pietro” në Gjirin e Lalëzit, teksa gjendemi në momentin final të nënshkrimit me një tjetër brand hotelerie ndërkombëtar. “San Nicolas” përbëhet nga 490 njësi banimi dhe pritet të përfundojë në muajin Dhjetor 2025, ndërkohë që hoteli me 5 yje do të jetë gati për të pritur turistët e saj të parë në muajin Qershor 2026.
Grupi “Concord Investment”, ndërkohë po vazhdon zgjerimin e hartës së shtrirjes së investimeve edhe në të tjera projekte në Shqipëri, teksa së shpejti pritet të startojnë punimet në Marinën e Orikumit, “Arameras” në Ksamil, si dhe “Saranda Bay Marina”.
Investimi në “Marina Orikum” përfshin zhvillimin e një koncepti të ri, atë të jetuarit në një Marinë, kjo duke marrë shkas nga modele të suksesshme të tilla që janë implementuar me sukses në vendet fqinje. Një projekt ambicioz që shfaq ndryshime të mëdha në design dhe lifestyle, krahasuar kjo me ato që ofron një resort i zakonshëm, elemente këto të cilat pritet natyrshëm të sjellin një stad cilësor në perceptimin e rezidencave marina. Ato të cilat duket se kanë në funksion të tyre atmosferën pozitive që përcjell industria e nautikës, një element deri tani i munguar në Shqipëri, dhe kjo prej më shumë se një dekade.
Në “Marina Orikum”, godina e parë është lançuar tashmë me sukses, madje duke kaluar të gjitha pritshmëritë e investitorit, dhe kjo falë interesit të lartë të klientëve për këtë risi të ofruar së fundmi nga ana e “Concord Investment”. Ndërkohë që investitori së fundmi ka përgatitur maketin dhe po bëhet gati të lançojë godinën e dytë, e pozicionuar në pjesën më rezidenciale të “Marina Orikum”, ku çmimet do të jenë disi më ekonomike në krahasim me godinat pranë yachteve.
Kjo është strategji e konceptuar më së miri, që ka si qëllim tërheqjen e një segmenti tjetër klientele, ata të cilët preferojnë Orikumin si një oaz qetësie për të jetuar, ndryshe një nga prej lokation më të aksesueshëm si nga Vlora, ku shtojmë këtu edhe Aeroportin Ndërkombëtar, gjithashtu edhe anën tjetër të Rivierës Shqiptare, Palasën apo Dhërmiun, vetëm 15 minuta larg nëpërmjet Tunelit të Llogorasë.
Pjesa tjetër e projektit pritet të lançohet në qershorin e vitit 2024, duke sjellë sërish një sërë mundësish të reja për investitorët dhe blerësit potencialë. Ky shënon një hap të rëndësishëm në zhvillimin e “Marina Orikum” dhe rritjen e potencialit të saj për të qenë një destinacion i preferuar për të jetuar dhe për të investuar në bregdetin shqiptar.
“Saranda Bay Marina” është e destinuar të kthehet së shpejti në një pikë mjaft e rëndësishme si për turistët vendas, ashtu edhe ata të huaj, teksa interesi i këtyre të fundit është tashmë i fokusuar totalisht në Sarandë. Dhe kjo si një përvojë e jashtëzakonshme për të shijuar emocione falë bukurisë dhe veçantisë që ky qytet ofron, falë destinacioneve të saj atraktive, të pasura me kulturë, kulinari të larmishme deri te deti dhe natyra e shkëlqyer e saj.
Investimi në Marinën e Sarandës do të ofrojë një përvojë të paharrueshme për të gjithë ata që zgjedhin ta vizitojnë atë, duke e kthyer Shqipërinë në një super destinacion tërheqës, si për turistët vendas, ashtu edhe ata të huaj.
“Saranda Bay Marina” pritet të lançohet në qershorin e vitit 2024, ku ndërtimi i saj pritet të fillojë në muajin shtator në po të njëjtin vit. Projekti do të ketë sipërfaqe ndërtimi prej 150.000 metra katrorë, duke përfshirë rreth 450 vende parkimi barkash të llojeve dhe dimensioneve të ndryshme. Projekti në tërësinë e tij do të ndahet në zonën rezidenciale, i përbërë nga vila dhe apartamente, hotel me 5 yje, si dhe shërbime dhe facilitete të tjera.
“Arameras Resort”, vetëm shumë pak kilometra në jug të Sarandës në Ksamil, është ndryshe pikëtakimi i fundit i Rivierës Shqiptare, i shtrirë me të gjithë madhështinë e tij në një kodër piktoreske mbi det. Padyshim një super “prime location”, tashmë i rikonfirmuar potencialisht për të qenë një prej investimeve nga më cilësoret në industrinë e “real estate”, jo vetëm shqiptar, por edhe atij botëror.
“Arameras Resort” është një investim i munguar dhe i arrirë për vetë vlerat që gjeneron, ndryshe një ogur i shkëlqyer për të ardhmen e industrisë “real estate” në Shqipëri. Dhe kjo nisur nga vlera në rritje që po marrin pasuritë e paluajtshme, kryesisht ato që ndodhen në disa prej projekteve më të mira të bregdetit shqiptar.
Kur sapo ka përfunduar dizenjimi i projektit nga ana e një prej studiove më prestigjioze në botë, “Chapman Taylor” me bazë në Londër, “Concord Investment” është duke përgatitur detajet e fundit për lançimin e këtij projekti. Një investim i shkëlqyer, i cili padyshim do ta ridimensionojë konceptin e të pasurit një pronë luksoze në Rivierën Shqiptare.
Po çmimet e apartamenteve dhe vilave që ofrohen në projektet që jemi duke zhvilluar, si variojnë? Cila është tendenca e tyre krahasuar me vitin e kaluar, janë në rritje apo në rënie? Të lutem, çmimet të pasqyrohen sipas projekteve, si për vilat dhe apartamentet?
“Concord Investment”, në procesin e shitjes dhe marketingut të pasurive të paluajtshme, ka pasur si strategji të saj rritjen e vlerës së pronës vit pas viti. Kjo bazohet te kërkesa konstante e klientëve, të cilët investitori targeton, duke treguar kujdes në trajtimin e pritshmërive të tyre për të investuar, duke ofruar përherë risi nëpërmjet projekteve që zhvillon në Shqipëri.
Konstatohet se kërkesa për të investuar në tregun e pasurive të paluajtshme në Shqipëri nuk është e fokusuar vetëm tek ajo për të blerë thjesht një vilë apo një apartament në një resort të caktuar. Kjo pasi më tepër pritshmëritë e blerësve potencialë tashmë orientohen te kthimi i investimit, nëpërmjet kthimit në përqindje të garantuar, relativisht të lartë, duke filluar nga 6.85% në vit.
Klientët e huaj natyrisht që kanë një qasje më të drejtpërdrejtë në investime të tilla, por ama edhe blerësit shqiptarë duket se po e ndjekin me mjaft interes këtë proces, pra të blerjes së një prone për ta shfrytëzuar potencialet që paraqet si një investim afatgjatë.
Kërkesa për të blerë një pronë në Shqipëri nga shtetasit e huaj, konstatohet të jetë në rritje me rreth 20-25% më shumë nga viti i kaluar, dhe kjo si rezultat i numrit të lartë të turistëve, të cilët vizitojnë vendin tonë për bukuritë mahnitëse, tashmë i konfirmuar si top destination.
“Concord Investment” po e shfrytëzon maksimalisht këtë trend rritje të kërkesës për të blerë një pronë në Shqipëri, duke ofruar mundësi investimi të larmishme në location shumë të kërkuar, në funksion të garantimit të kthimit të lartë të investimit për klientët e saj.
Konstatohet se më shumë se gjysma (mbi 55% e tyre) e kontratave të pronave të shitura gjatë vitit 2023 nga ana e “Concord Investment” në të dy projektet e saj, “San Pietro” në Gjirin e Lalëzit dhe “San Nicolas” në Palasë, janë kryer nga blerës, të cilët kanë si qëllim investimin e tyre në qiradhënie.
Në kërkesën aktuale nga blerësit potencialë të një prone dhe raportit të çmimeve mes njësive “apartament” me ato “vilë”, dallimi është mjaft i vogël në vlera në euro/m², ndërkohë që jemi duke arritur drejt unifikimit të çmimit, e krahasuar kjo me vitet paraardhëse.
Pronat e pozicionuara në bregdet gjatë vitit 2024 janë minimalisht 3000 euro/m² – 4000 euro/m², duke ndryshuar gjithashtu edhe qasja e ofrimit të tyre, si njësi totale në një çmim të paracaktuar nga ana e investitorit për njësi, në totalin e tyre.
Edhe për këtë vit (2024) ashtu si edhe vitin që shkoi, interesi i blerësve potencialë orientohet më shumë tek apartamentet se sa te vilat, ku qëllimi kryesor është që prona e blerë të shërbejë si një investim që gjeneron të ardhura të larta falë qiradhënies.
Kjo sepse apartamentet kanë më shumë lehtësi në procesin e menaxhimit të tyre dhe janë më të përshtatshëm për disa lloje kategorish blerësish, duke filluar nga të rinjtë, për të vazhduar me familjet e vogla, deri te pensionistët. Për këta të fundit mund të shtojmë së faktin se aktualisht dominojnë shtetasit e huaj, ata të cilët preferojnë një vend të përshtatshëm për të jetuar, me taksa minimale, lehtësi të cilat duket se i gjejnë në vendin tonë.
Ndërkohë që për vitin 2024, konstatohet se kërkesa për të pasur një pronë në Shqipëri vazhdon të jetë në tendencë rritje, dhe kjo falë interesit të paraqitur kryesisht edhe nga ana e blerësve potencialë shqiptarë që jetojnë e punojnë jashtë vendit tonë.
A ka tendencë të shitjeve në ajër siç po ndodh në Durrës, pra a po shiten apartamente pa nisur punimet e projektit?
Në rastet e mëparshme, shoqëritë investitore në Shqipëri, në strategjinë e tyre të shitjes, kanë qenë të fokusuara te modeli klasik i përcaktimit të çmimit pas marrjes së lejes së ndërtimit, e shoqëruar kjo më pas me fillimin e punimeve në kantier.
Ndërkohë që aktualisht, procesi i shitjes kryesisht për tipologjitë apartamente po orientohet drejt rezervimit të çmimit që në fazën e startimit të projektit, kjo pasi eksperienca e viteve të fundit ka treguar se vlera e pronës në Shqipëri rritet vit pas viti. Dhe këtu kemi parasysh të gjitha elementet që përmendëm më sipër, pasi vendi ynë është një prej destinacioneve turistike surprizë, me shifra rritjeje nga më të lartat në rajon për sa i përket numrit të turistëve.
Nënvizojmë faktin se kjo qasje e re, pra modeli i prenotimit fillestar të çmimit, ende pa filluar nga puna në kantier projekti, është mirëpritur nga ana e blerësve tanë potencialë, të cilët kanë procesuar edhe firmosjen e kontratës së prenotimit, veçanërisht kjo nga shtetasit shqiptarë të diasporës, por ama edhe ata të Kosovës.
Ende larg këtij procesi janë shtetasit e huaj, të cilët me sa duket nuk kanë mjaftueshëm informacion për rritjen e vlerës së pronës në Shqipëri. Këtu mund të shtojmë problematikën që paraqet në tërësi ky proces prenotimi i parakohshëm i çmimit, që më së shumti ka të bëjë me dokumentacionin dhe kuadrin ligjor disi më pak të favorshëm për këtë kategori klientësh.